By Լիլիթ Գասպարյան 
Հայաստանում Հայրենական մեծ պատերազմում հաղթանակի 81-րդ տարեդարձի կապակցությամբ նախատեսված միջոցառումների մասին հայտնել են Ռուսաստանի դեսպանատանը։
Ըստ դեսպանատան հաղորդագրության՝ մայիսի 9-ին, տեղական ժամանակով ժամը 12:00-ին, Երևանում կկայանա ավանդական հիշատակի երթ։ Այս միջոցառումը կազմակերպում է «Անմահ գունդ արտերկրում» պատմամշակութային հասարակական կազմակերպությունը։ Երթը կսկսվի Արաբկիր համայնքի Սուրբ Խաչ եկեղեցու հարակից տարածքից և կավարտվի Հաղթանակի զբոսայգու «Անմար կրակ» հուշահամալիրում։ Լայնամասշտաբ ակցիան կկատարվի փողային նվագախմբի ուղեկցությամբ, որին կմասնակցեն նաև Հայրենական Մեծ պատերազմի վետերաններ։
Հաղորդագրության համաձայն՝ ժամը 13:00-ին Հաղթանակի զբոսայգում կկայանա ծաղկեպսակների և ծաղիկների զետեղման հանդիսավոր արարողություն «Անմար կրակի» մոտ, որից հետո կկատարվի հոգեհանգստի արարողություն։
«Հրավիրում ենք միասին հարգելու հերոս-ազատարարների հիշատակը և նշելու մեր ժողովուրդների մեծ հաղթանակը նացիզմի դեմ», – հայտարարել են ՌԴ դեսպանատանը։
Նշանակ է, որ մինչև 2020 թվականի Արցախի շուրջ 44-օրյա պատերազմը Հայաստանում մայիսի 9-ը նշվում էր որպես եռատոն՝ Հայրենական մեծ պատերազմի հաղթանակ, Շուշիի ազատագրման օր և Արցախի պաշտպանության բանակի կազմավորման օր։