By Գրետա Միրզոյան 
Հունիսի 7-ի խորհրդարանական ընտրությունների ընթացքում ընդդիմությունը փորձել է կեղծել ընտրական արդյունքները։ Այս մասին հայտարարեց Հայաստանի վարչապետ Նիկոլ Փաշինյանը՝ շնորհակալություն հայտնելով ուժային կառույցներին՝ նրանց կատարած աշխատանքի համար։
Ըստ իմ տեղեկացումների, ուժայինները կարողացել են դիմակայել նախընտրական կաշառքների և քաղաքացիների ազատ կամարտահայտմանն անօրինական ճնշումների լայնամասշտաբ փորձերին։
Ես մտահոգված եմ, որ Հայաստանում առկա են հանցագործությունների տեսակներ, որոնց նկատմամբ դրսեւորվում է չարդարացված հանդուրժողականություն։
Եթե մարդիկ բռնվում են ընտրակաշառք տալու կամ վերցնելու մեջ, նրանք պետք է մինչև հաջորդ ընտրությունների ավարտը և արդյունքների հրապարակումը գտնվեն բանտում։ Կարևոր չէ, թե այդ մարդիկ ինչ պաշտոններ են զբաղեցնում, որ սոցիալական շերտին են պատկանում, կամ ինչ հարստության են տիրապետում։
Եթե դրա համար անհրաժեշտ լինի օրենսդրական և ինստիտուցիոնալ փոփոխություններ կատարել, դա պետք է արվի հիմա և առանց հապաղելու։ Դա երկրում անվտանգության և ժողովրդավարության ապահովման հարց է։
Պետք չէ հետո «խղճալի պատկերներ» նկարել, քանի որ այստեղ գլխավորը ժողովրդի ազատ կամարտահայտության սկզբունքի ապահովումն է։ Պետք է «Սանտա Բարբարա» տեսակի երկարատև դատավարություններին վերջ դնել։
Հիշեցնենք, որ երկրի դատախազությունն արդեն քրեական գործ է հարուցել «Բարգավաճ Հայաստան» կուսակցության ղեկավար Գագիկ Ծառուկյանի նկատմամբ, ով հայտարարել էր իշխանության կողմից ընտրակեղծիքների առկայության մասին և վերահաշվարկի դիմում էր ներկայացրել։ Կենտրոնական ընտրական հանձնաժողովի կողմից քվեարկության նախնական արդյունքների ճշգրտումից հետո «Բարգավաճ Հայաստան» կուսակցությունը կորցրել է անցողիկ 4% տոկոսը։