By Լիլիթ Գասպարյան 
Հայաստանի կառավարությունը շարունակում է իր ջանքերը Բաքվում պահվող հայաստանցիների առողջական վիճակի և այլ հարցերի վերաբերյալ։ Այս մասին ապրիլի 29-ին հայտարարեց ՀՀ առողջապահության նախարար Անահիտ Ավանեսյանը մամուլի ասուլիսի ընթացքում։
Նախարարը հավաստիացրեց, որ միջազգային իրավունքի և բոլոր հնարավոր մարդասիրական ճանապարհներով այդ հարցերը համակարգվում են Արտաքին գործերի նախարարության կողմից։ «Այս հարցերը մեր կառավարության ուշադրության կենտրոնում են և ոչ մի վայրկյան չեն մնում անտեսված», – ընդգծեց Ավանեսյանը։
Հայաստանում մինչ օրս հստակ տվյալներ չկան ադրբեջանական բանտերում պահվող հայ ռազմագերիների և պատանդների թիվը։ Ըստ փորձագետների գնահատականների՝ նրանց թիվը կարող է հասնել մի քանի հարյուրի։
Ադրբեջանի իշխանությունները վերջերս հաստատել են, որ իրենց բանտերում պահվում է 19 հայաստանցի։ Այս անձանց թվում են նաև Արցախի ռազմաքաղաքական ղեկավարության նախկին և գործող բարձրաստիճան պաշտոնատարներ։
Ադրբեջանի իշխանությունների կողմից կազմակերպված դատական գործընթացներում Բաքվի դատարանը «շինծու» մեղադրանքներով ցմահ ազատազրկման է դատապարտել Արայիկ Հարությունյանին, Դավիթ Բաբայանին, Դավիթ Իշխանյանին, Դավիթ Մանուկյանին և Լևոն Մնացականյանին։ Բակո Սահակյանին, Արկադի Ղուկասյանին և Ռուբեն Վարդանյանին՝ 20 տարվա ազատազրկման։ Մնացած արցախցիներին՝ մինչև 15 տարվա ազատազրկման։