By Գրետա Միրզոյան 
ԱԺ «Հայաստան» խմբակցության պատգամավոր Գեղամ Մանուկյանը հաղորդել է, որ Ազգային անվտանգության ծառայության տնօրեն Անդրանիկ Սիմոնյանին ուղղել է պատգամավորական հարցում։
Հարցման առարկան «Զվարթնոց» օդանավակայանում գտնվող ՀՀ ԱԱԾ սահմանապահ զորքերի հսկիչ-անցագրային կետի խցիկում տեղադրված տեսախցիկով արված տեսանկարահանումների հայտնվելն է «Փաշինյանի ընտանիքին պատկանող «Հայկական ժամանակ» օրաթերթի տելեգրամյան էջում։
Պատգամավորը նշել է, որ իր հարցադրումները կարող են հռետորական լինել, քանի որ, նրա կարծիքով, հայաստանյան իրավապահ համակարգը վաղուց դարձել է իշխանությանը և կամակորություններին սպասարկող անօրինական գործունեություն իրականացնող հաստատություն։
Գեղամ Մանուկյանը նաև հիշեցրել է, որ նման բովանդակությամբ հարցում առաջին անգամ չէ, որ է հղում ԱԱԾ-ին։ Նա բազմիցս բարձրաձայնել է այն դեպքերի մասին, երբ քաղաքական նպատակներով հատուկ պահպանվող տարածքներից՝ Ազգային ժողովից, «Զվարթնոց» օդանավակայանից տեսագրությունները հայտնվում են իշխանական քարոզչամեքենային ձեռքում։
Պատգամավորը նաև նշել է, որ ստացել է բազմաթիվ ահազանգեր, համաձայն որոնց ընտրություններին նախորդած օրերին ՀՀ սահմանային անցակետերում հայտնված ռազմական ոստիկանության հաշվառումների հիման վրա մի քանի հազար հայրենակցի Հայաստանի տարածքից ելքի վրա դրված է արգելք։ Նրա խոսքով՝ սա օրենքի կոպտագույն խախտում է և ծանր քրեական հետևանքներով լի։
Այս իրադարձությունները տեղի են ունենում այն պայմաններում, երբ ավելի վաղ հայտնի էր դարձել, որ երկրորդ նախագահ Ռոբերտ Քոչարյանին թույլ չեն տվել մեկնել Հայաստանից։ Քոչարյանի գրասենյակը հայտնել է, որ Հայաստանից հեռանալու արգելքի պատճառների վերաբերյալ ոչ մի ծանրակշիռ փաստարկ չի ներկայացվել։ Ընդ որում, իշխանամետ լրատվամիջոցները տարածել են տեսանյութ, որտեղ երևում է, թե ինչպես է Քոչարյանն անցնում սահմանային հսկողությունը, որոնք ուղեկցվում էին գրառմամբ, թե «Քոչարյանը փորձում է լքել երկիրը»։ Այս շահարկումները արվել են այն պայմաններում, երբ Քոչարյանի գրասենյակը նախապես տեղեկացրել էր քաղաքական գործչի՝ անձնական հարցերով երեք օրով Հայաստանից մեկնելու մտադրության մասին։