Երևանում և Հանրապետության տարածքում սպասվում են տեղումներ

Հիդրոօդերևութաբանության և մոնիթորինգի կենտրոնի տվյալների համաձայն՝ Երևանում եղանակի կանխատեսումը հետևյալն է․

Փետրվարի 23-ի ցերեկը քաղաքում տեղումներ չի նախատեսվում։

Փետրվարի 24-ի և 25-ի գիշերը սպասվում է կարճատև անձրև։

Փետրվարի 26-ի կեսօրից հետո, ինչպես նաև փետրվարի 27-28-ի ընթացքում, նախատեսվում են տեղումներ՝ գիշերը ձյան, ցերեկը՝ ձնախառն անձրևի տեսքով։

Հանրապետության տարածքում եղանակի կանխատեսումը նույնպես բազմազան է․

Փետրվարի 23-ի ցերեկը, ինչպես նաև փետրվարի 24-25-ին և 26-ի գիշերը առանձին շրջաններում նախատեսվում են տեղումներ։

Նախալեռնային և հովտային շրջաններում տեղումները կլինեն անձրևի տեսքով։
Լեռնային շրջաններում՝ ձյան և ձնախառն անձրևի։

Փետրվարի 26-ի ցերեկը և 27-28-ին շրջանների զգալի մասում սպասվում են տեղումներ՝

Նախալեռնային և հովտային շրջաններում՝ ձնախառն անձրևի,
Լեռնային շրջաններում՝ ձյան տեսքով։

Լեռնային առանձին շրջաններում նաև սպասվում է բուք և ցածր հորիզոնական տեսանելիություն։

Քամին՝ հարավարևմտյան, արագությունը՝ 2-5 մ/վ։ Փետրվարի 25-27-ին առանձին վայրերում սպասվում է քամու ուժգնացում՝ մինչև 15-19 մ/վ։

Օդի ջերմաստիճանը փետրվարի 26-28-ի ցերեկային ժամերին աստիճանաբար կնվազի 8-10 աստիճանով։