By Գրետա Միրզոյան 
ՀՀ կենտրոնական ընտրական հանձնաժողովը տեղեկացնում է, որ առաջիկա Ազգային Ժողովի ընտրություններին մասնակցելու իրավունք ունեցող քաղաքացիները կարող են իրենց ընտրական հաշվառման վայրը ժամանակավորապես փոխել։
Ըստ ընթացիկ կանոնակարգի՝ ցանկացած քաղաքացի, ով ցանկանում է ընտրել այլ վայրում, կարող է դիմում ներկայացնել ՆԳՆ միգրացիայի և քաղաքացիության ծառայություն։ Այս դիմումի միջոցով անհատը խնդրում է իրեն հաշվառված վայրի ընտրողների ցուցակից ժամանակավորապես հեռացնելու և գտնվելու վայրի ընտրական տեղամասի ընտրողների ցուցակում ավելացնելու համար։
Դիմում ներկայացնելու վերջնաժամկետը մայիսի 26-ի ժամը 14:00-ն է։ Այն կարող է լինել ինչպես էլեկտրոնային, այնպես էլ թղթային տարբերակով։ Էլեկտրոնային եղանակով դիմումներն ապահովվում են էլեկտրոնային թվային ստորագրությամբ։ Եթե դիմումը ներկայացվում է այլ անձի կողմից, դիմումատուն պարտավոր է կից ներկայացնել նոտարական վավերացմամբ հաստատված լիազորագիր։
ՀՀ ԱԺ ընտրություններին մասնակցելու իրավունք ունեն 18 տարին լրացած բոլոր Հայաստանի Հանրապետության քաղաքացիները։